چه‌ند كورته‌ نوچه‌یه‌ك
ئاماده‌كردنی: كاوه‌ ئه‌مین
1- به‌ گوێره‌ی هه‌واڵێك له‌ سه‌ر زاری به‌رپرسێكی یه‌كێتی نیشتیمانی كوردستان،ئه‌یوب ئه‌فغانی یه‌كێك له‌ سه‌ركرده‌كانی گروپی تیرۆریستی جوندو ئیسلام له‌ شاری كه‌ركووك گیرا و ئێستا له‌لایه‌ن ئه‌مریكایه‌كانه‌وه‌ لێكۆڵینه‌وه‌ی له‌گه‌ڵ ده‌كرێت.
سه‌رچاوه‌: www.hd.se
2- ژماره‌یه‌ك له‌ یه‌زیدیه‌كان ده‌رمان خوارد ده‌كرێن
به‌ گوێره‌ی هه‌واڵێكی ڕۆژ تیڤی و كوردستان پۆست، 9/3 نزیكه‌ی 300-400 كوردی یه‌زیدی له‌ ئۆردوگای خانك له‌ نزیك شاری دهۆك ژه‌هرخوارد كراون و بردونیان بۆ خه‌سته‌خانه‌ی دهۆك. هه‌وڵه‌كان باسی ئه‌وه‌ ده‌كه‌ن كه‌ له‌سه‌ر دیواره‌كانی شاری موسڵ پروپاگه‌نده‌ له‌لایه‌ن گروپه‌ ئیسلامیه‌كانه‌وه‌ نووسراوه‌ و خوێنی كورده‌ یه‌زیدیه‌كان حه‌لآڵ كراوه‌.
3- له‌ كارێكی خۆكوژیدا له‌ ئه‌سته‌نبوڵ دوو كه‌س ده‌كوژرێن
له‌ ڕه‌ستورانتێك كه‌ ده‌كه‌وێته‌ به‌شی ئاسیای ئه‌سته‌مبوڵ دوو كه‌س له‌ كارێكی خۆكوژیدا ده‌كوژرێن. شایانی وتنه‌ كه‌ ساڵی ڕابردوو هێرشێكی گه‌وره‌ی خۆكوژی كرایه‌ سه‌ر په‌رستگای جوله‌كه‌كان له‌و شاره‌دا و به‌ ده‌یان كه‌س كوژران.
4- سێ سه‌ربازی تورك له‌ باتمان ده‌كوژرێن
به‌ گوێره‌ی هه‌واڵی ڕادوێی ده‌نگی میسۆپۆتامیا،هێزه‌كانی پاراستنی گه‌ل (شاخه‌ی سه‌ربازی كۆنگره‌ی گه‌ل)،له‌ تۆڵه‌ی
له‌ ده‌ستدانی دوو گریلای خۆیان كه‌ له‌مانگی شوباتدا كه‌ له‌لایه‌ن هێزه‌كانی توركیاوه‌ كوژران ئه‌و چالاكیه‌یان ئه‌نجام داوه‌. HPG هه‌ره‌شه‌ و هوشداری ده‌ده‌ن به‌ توركیا كه‌ له‌ تۆڵه‌ی هه‌ر هێرشێك بۆ سه‌ر گریلا و خه‌ڵكی سڤیلی باكووری كوردستان ئه‌وان چالاكی تۆڵه‌ سه‌ندنه‌وه‌ ده‌كه‌ن.
5- توركیا نیگه‌رانی یاسی نوێی عێراقه‌
ڕۆژنامه‌ی خه‌بات ڕای گه‌یاند كه‌ ده‌وڵه‌تی توركیا له‌ هه‌موو كه‌س زیاتر نیگه‌رانی یاسای نوێی عێراقه‌. بۆ ئه‌و مه‌به‌سته‌ عه‌بدوڵڵه‌ گولی وه‌زیری ده‌ره‌وه‌ نامه‌یه‌كی ئاراسته‌ی جۆرج ده‌بلیوو بش كردووه‌ و په‌شێوی خۆیانی نیشان داوه‌. دیاره‌ توركیا نیگه‌رانی به‌ فه‌رمی كردنی زمانی كوری و ڤێتۆی كوردانه‌، ده‌نا ئه‌گه‌ر ئاینی ڕه‌سمی عێراق له‌ ئیسلامییه‌وه‌ بگۆردرێت بۆ یه‌هودی یان هه‌ر ئایێكی تر ئه‌وان مێش میوانیان نییه‌.