پرۆفیسۆر شاكرۆ محۆ كۆچی دواییكرد

PUKmedia
سه‌رله‌به‌یانی ئه‌مڕۆ پێنج شه‌ممه‌ 1/2/2007 له‌یه‌كێك له‌ نه‌خۆشخانه‌كانی شاری مۆسكۆ پرۆفیسۆر شاكرۆ محۆ كۆچی دواییكرد.پرۆفیسۆر شاكرۆ خدۆ محۆی ساڵی 1930 له‌ ناوچه‌ی ئه‌له‌گه‌ز له‌ئه‌رمه‌نستان له‌خێزانێكی كوردی ئێزیدی له‌ عه‌شیره‌تی سپكی له‌دایكبووه‌، له‌ ناوه‌ڕاستی سه‌ده‌ی 19 له‌ قارسه‌وه‌ كۆچیانكردووه‌ بۆ ئه‌رمه‌نستان له‌به‌ر هێرش و په‌لاماری عوسمانیه‌كان بۆ ئه‌م ناوچانه‌ی كوردستانی توركیا.له‌ساڵی 1918 له‌ئه‌نجامی هێرش و قه‌تڵوعامی عوسمانیه‌كان بۆ سه‌ر ئه‌رمه‌نستان و ناوچه‌ كوردیه‌كان، چه‌ند خزمێكی مامۆستا شاكرۆ شه‌هید كرا و له‌وانه‌ باپیری مامۆستا.له‌ساڵی 1948 له‌زانكۆی یه‌ریڤان له‌به‌شی مێژوو ده‌ستیكرد به‌خوێندنی بالإو ساڵی 1952 زانكۆی ته‌واوكرد و بوو به‌ مامۆستای مێژوو، ساڵی 1955 بوو به‌جێگری سه‌رنووسه‌ری رۆژنامه‌ی ره‌یا تازه‌ كه‌ رۆژنامه‌یه‌كی به‌ناوبانگی كوردیه‌ و له‌سالإنی سیه‌كانه‌وه‌ له‌یه‌ریڤان ده‌رده‌چێت تاكو ئێستا، له‌هه‌مان كاتدا ده‌ستی به‌خوێندنی دكتۆرا كرد و له‌ساڵی 1960 وازی له‌ رۆژنامه‌كه‌ هێنا وله‌به‌شی كوردی له‌ ئینستیتۆی رۆژهه‌لإتناسی له‌ یه‌ریڤان ده‌ستی به‌كار كرد.ساڵی 1963 بوو به‌ خاوه‌ن بڕوانامه‌ی دكتۆرا و تێزه‌كه‌ی به‌ناوی (بزوتنه‌وه‌ی رزگاریخوازی گه‌لی كورد له‌ عیراق پاش جه‌نگی جیهانی دووه‌م).له‌ساڵی 1978 له‌شاری مۆسكۆ بڕوانامه‌ی دكتۆرای وه‌رگرت و تێزه‌كه‌شی به‌ناوی (كێشه‌ی ئۆتۆنۆمی كورد له‌عیراقدا)، له‌ساڵی 1981-1994 لێپرسراوی به‌شی كوردی بوو له‌ ئه‌نیستیتۆی رۆژهه‌لإتناسی له‌یه‌ریڤان.ساڵی 1985 بوو به‌ پرۆفیسۆر و ساڵی 1996 پله‌ی ئه‌كادیمی علومی ئه‌رمه‌نی پێبه‌خشرا كه‌ به‌رزترین پله‌ی علمیه‌ له‌ئه‌رمه‌نستان.له‌ساڵی 1994 له‌گه‌ڵ پرۆفیسۆر لازه‌ریڤ و پرۆفیسۆر حه‌سره‌تیان و دكتۆر به‌شیر سه‌بری و دكتۆره‌ ژیگالینه‌ و دكتۆره‌ زارێ یوسوپۆڤنه‌ و دكتۆره‌ ڤاسیلیڤنه‌ و دكتۆره‌ موسه‌یلان و دكتۆره‌ سمیرنۆڤه‌ ناوه‌ندی لێكۆڵینه‌وه‌ی كوردیان دروستكرد له‌ مۆسكۆ و مامۆستا شاكرۆ بوو به‌ لێپرسراوی ئه‌م ناوه‌ندیه‌ و زیاتر لێكۆڵینه‌وه‌كانیان ده‌رباره‌ی كێشه‌ی كورد بوو له‌ كوردستانی عیراق، هه‌روه‌ها به‌شێك له‌ لێكۆلینه‌وه‌كان ده‌رباره‌ی رێزمانی زمانی كوردی و له‌هجه‌كان بوون.ئه‌م ناوه‌ندیه‌ تا ئێستا 14 كتێب و نامیلكه‌ی ده‌ركردووه‌ به‌ زمانی روسی و كوردی له‌وانه‌:مێژووی كوردستان، شه‌ره‌فخانی بتلیسی، مێژوی دیالێكتی كوردی، كێشه‌ی كورد له‌كوردستانی باشور، كه‌شكۆڵی كوردی.پرۆفیسۆر شاكرۆ تا ئێستا زیاتر له‌ 20 كتێب و نامیلكه‌ی جۆراوجۆری ده‌ركردوه‌ و به‌شداری كردوه‌ له‌ ده‌یان كۆنفرانس و كۆڕ، به‌شداریكردووه‌ له‌ واشنتۆن و پاریس و ستۆكهۆڵم و به‌رلین و برۆكسل و كوردستانی باشور و مۆسكۆ.هه‌میشه‌ هه‌وڵیداوه‌ بۆ یه‌كگرتنه‌وه‌ی ده‌نگی كورد.رۆژی 27/11/2005 له‌ هۆڵی (دیلان)ی كتێبخانه‌ی گشتی سلێمانی له‌رێوره‌سمێكدا، خه‌لإتی زێرینی پیره‌مێرد بۆساڵی 2004 پێشكه‌ش به‌ پرۆفیسۆر شاكرۆ كرا.