ئه‌وروپییه‌کان مه‌ترسی ساخته‌کاری له‌ هه‌ڵبژردانه‌کانی تورکیادا ده‌که‌ن

کاوه‌ ئه‌مین
رووداونيَت-سوێد
29/3/2009 هه‌ڵبژاردنی شاره‌وانييةكان و ئةنجوومةني قةزاو ويلايةتةكان له‌ تورکیا و باکووری کوردستان ئةنجامدةدريَت. بۆ ئه‌و مه‌به‌سته‌ ژماره‌یه‌ک ئه‌ندام په‌رله‌مانی ئه‌وروپی به‌ گشتی و سوێدی سه‌ردانی باکووری کوردستان ده‌که‌ن بۆ چاودێریکردنی هه‌ڵبژاردنه‌کان.
یه‌کێک له‌و پارته‌ سیاسیانه‌ی که‌ مه‌ترسی ساخته‌کاری ده‌کات له‌ هه‌ڵبژاردنه‌کاندا له‌لایه‌ن پارتی دادو گه‌شه‌پێدان و سووپای تورکیاوه‌، پارتی چه‌پی سوێدییه‌. له‌ به‌یاننامةیه‌کدا که‌ دانه‌یه‌کی دراوةتة(ڕووداو نێت)‌، پارتی چه‌پ نووسیویه‌تی:"حه‌وت ئه‌ندامی پارتی چه‌پ سه‌ردانی تورکیا ده‌که‌ن تا له‌ نزیکه‌وه‌ چاودێری هه‌ڵبژاردنه‌کان بکه‌ن. ئێمه‌ مه‌ترسی ئه‌وه‌مان هه‌یه‌ که‌ هه‌ڵبژاردنه‌که‌ به‌شێویه‌کی عادیلانه‌ به‌ڕێوه‌ نه‌چێت. پارتی AKP هه‌ڕه‌شه‌ی تۆڵه‌ سه‌ندنه‌وه‌ له‌و کوردانه‌ ده‌کات که‌ ده‌نگ ناده‌ن به‌و پارته‌. ئه‌وه‌ سه‌ره‌ڕایی ئه‌وه‌ی که‌ کۆمیته‌ی هه‌ڵبژاردن له‌ تورکیا ئیمکانی ده‌نگدان بۆ به‌شێک له‌ ده‌نگه‌ده‌ران، ناڕه‌خسێنێت".
دوو ئه‌ندام په‌رله‌مانی سوێد له‌ پارتی چه‌پ، ئامینه‌ کاکه‌باوه‌ و یاکوب یۆنس، له‌نێو شاندي پارتی چه‌پدان که‌ سه‌ردانی دیاربه‌کرد ده‌که‌ن.
ئامینه‌ کاکه‌باوه‌ ده‌ڵێت:" هیوادارم که‌ هه‌ڵبژاردنه‌کان به‌ شێوه‌یه‌کی عادیلانه‌ به‌ڕێوه‌ بچێت و هیواداریشم که‌ کورد سه‌ر‌که‌وتنی به‌رچاو به‌ده‌ستبێنن".
ئه‌ندامانی پارتی چه‌پ هاوکات له‌ کاتی سه‌ردانه‌که‌یاندا له‌گه‌ڵ کۆمه‌ڵه‌ی پشتیوانی له‌ مافی مرۆڤ له‌ ئامه‌د (دیاربه‌کر) دیدار و گفتوگۆ ده‌که‌ن.
له‌ لایه‌کی دیکه‌وه‌ کلاس نوردمارک، جێگری سکرتێری نێونه‌ته‌وه‌یی پارتی سۆسیالدیموکراتی سوێدی به‌ (ڕووداونيَت) راگه‌یاند که‌ ئه‌ندامانی په‌رله‌مانی سوێدی سۆسیالدیموکرات، ئانا لودڤیگسۆن و یه‌لماز که‌ریمۆ، بۆ چاودێری هه‌ڵبژارنه‌کان سه‌ردانی باکووری کوردستان ده‌که‌ن. ‌ ئه‌گه‌ر هه‌ڵبژاردنه‌کان به‌شێوه‌یه‌کی عادیلانه‌ به‌ڕێوه‌ بچن، زۆربه‌ی چاودێرانی سیاسی له‌و باوه‌ڕه‌دان که‌ پارتي کۆمه‌ڵگه‌ی دیموکراتی DTP، زۆربه‌ی شارهوانييةكاني ‌باکووری کوردستان ده‌باته‌وه‌، له‌ حاڵه‌تێکی وادا، تورکیا ناچار ده‌بێت‌ بکه‌وێته‌ گفتوگۆوه‌ له‌گه‌ڵ کوردانی باکوور، هه‌نگا و به‌ هه‌نگا و کێشه‌که‌ به‌ره‌وه‌ چاره‌سه‌ری ده‌چێت به‌ڕێگایه‌کی ئاشتیانه‌.